ANIZTASUNA

Berriz hemen...

Gaurkoan, aniztasunari buruzko ateratako hitz batzuk ipiniko dizkizuet eta ondoren, hitz horiek barneratzean, egindako hausnarketa txiki bat:

- Aberastasuna: ikaskuntza

- Errespetua: tolerantzia

- Enpatia: onarpena

- Inklusioa

- Balioak

- Kulturartekotasuna

- Indibidualtasuna

- Askatasuna

- Bullying

Lehenik eta behin, aniztasuna hitza entzutean, esan beharra daukat, burura etortzen zaidan lehenengo hitza enpatia dela. Zure inguruan gertatzen dena eta daudenak ulertzeko, enpatiarik gabe ezinezkoa izango zen. Bestearen azalean jarri, errespetatu, onartu…

Honekin, nire eskolan bizitako bi egoera etortzen zaizkit burura. Nahiz eta bietan aniztasun falta izan, gertatukoaren amaiera guztiz ezberdina izan zen. Lehenengo egoera, arrazakeria izan zen. LH-n nengoenean gertatu zen, konkretuki 3. edo 4. mailan. Nire ikastetxera haur berri bat ailegatu zen. Oso jatorra zirudien eta ahalegin asko egiten zituen besteekin harremantzeko, nahiz eta hizkuntza ez menperatu. Orokorrean, oso ondo hartu genuen eta taldean ondo egoki tu zen baina, haur bat bazegoen beti bera iraintzen zuena.

Bigarren egoera, bullying kasu bat izan zen. Nire gelan txikitatik, talde oso zehatzak zeuden eta urteak pasata, beste taldeekin partekatzen genuen denbora minimoa zen. Nirea ez zen talde batean, 3 neska ziren eta bat beti kanpoan gelditzen zen lanak egiteko unean edo binaka jarri behar ginen bakoitzean. Gauza esporadikoak etortzen zaizkit burura baina, urteak pasa ahala, konturatzen joan naiz, ez zirela momentu aislatuak.

Bien arteko berdintasuna: norbait sufritzen ari zen. Norbait bere etxera joaten zen, hurrengo eguna eskolara ez zuela joan esanez. Ikusten dudan ezberdintasun bakarra konponbidea da. Lehenengo kasuan, gurasoak eta irakasleak sartu ziren eta konpondu zen. Haurrarekin hitz egiten arrastoan sartu zuten. Baina bigarren kasuan, neskatoa, eskolaz aldatu zen eta nahiz eta nik orain kaletik ikusi eta pozik ikusi, ez dut uste hori konponbide zuzena izan zenik. Arazoaz alde egitea. Baina ez zen bere arazoa izan, eskolarena baizik, beste alde batera begiratzen zuela.

Laburbilduz, aniztasunaren kontzeptua argi izatearekin ez da nahikoa, barneratua izateaz gain, praktikan beharrezkoa da.

Buelta bat eman, hurrengora arte...

Zoriontsu izan!