TAILERRAK

Kaixo lagunak!

Gaurko post-an, pasaden egunetan egindako tailerrei buruz egindako hausnarketatxoa ipintzen dizuet.

Otsailaren 5ean, Haur Hezkuntzako ikasleak hainbat hitzaldi izan genituen. Egia esanda, aurretik izandako informazioarekin, beste gauza bati buruz izango zirela uste nuen. Orokorrean, nahiz eta aurretik beste ideia bat izan, gustatu zitzaizkidan. Hauetatik bi hitzaldi nabarmendu nahi nituzke. Alde batetik, “Proposamen artistikoetatik pedagogikoa asaldatzea” hitzaldia interesgarria iruditu zitzaidan. Esan ziguten gauza bat buruan sartu zait: artea ez da bakarrik margotzea. Idazten, telebistagatik… albisteak dakizkigu baina artearen bitartez ere, jakin dezakegu. Beste aldetik, Maysun Cheikh Ali Mediavillak egindako hitzaldia asko gustatu zitzaidan, azkenean esperientziak entzutean asko ikasten da eta gainera, kasu errealak izatean askoz gehiago.

Otsailak 6an, tailerrak egin genituen. Hiru tailer zeuden: ipuina, komikia eta antzerkia. Nik azken honetan parte hartu nuen. Irrika asko sortu zitzaidan, pasaden astean, antzerki tailerra egingo genuenei, korreo bat bidali zigutela hiru pare zapata ekartzeko, ez zuela axola zer nolako tamaina zeukaten ez genituelako oinetan jarriko. Eguna ailegatzean, hainbat gauza egin genituen: denon artean pilota lurra ez ukitzen saiatu, lurra kristal hautsiak balira bezala ibili, plastiko batekin itsasoa simulatu… Gauza asko egin genituen eta denak txunditu ninduten. Antzerki tailerra zenez eta pertsona nahiko lotsatia naizenez, pixkat gaizki pasako nuela uste nuen baina, ez nuen horrelako sentsaziorik eduki. Momentu oro lasai, pozik eta lan egiteko gogoarekin sentitu nintzen. Lan asko egin genuen eta egia esanda, Alexen laguntza asko animatu zigun aurrera joateko eta erritmoa ez jaisteko. Azkenean, beste tailerretan zegoen jendea etorri zen eta haien aurrean, goiz osoan praktikatutakoa aurkeztu genuen. Nahiko ondo geratu zen eta bai nire taldekideak eta bai ni, egindakoarekin pozik geratu ginen.

Orokorrean, asko gustatu zitzaizkidan bi egunetako jarduerak eta gogoarekin gelditu nintzen gehiago ikasteko. Gustatuko litzaidake horrelako gauza gehiago egitea, oso aberasgarriak iruditzen zaizkidalako.

Zoriontsu izan!